WALA KA BANG MAGAWA?..

Ka-Pasaway! Nababagot ka ba? Gusto mo bang may magawa? Kung oo ang iyong sagot ay narito ang ilang mga suhestiyon para may magawa ka naman:

1.Kung ikaw ay nasa bahay at kayo ay may telepono, dumayal ng number ng kahit sino (kaibigan, kamag-anak o mas maganda ay manghula ka lang ng numero). Bahala ka na kung sasagutin mo ba sila o hindi.
2.Bumili sa tindahan ng isang bote ng beer, pakuluan sa kaldero at singhutin ang usok.
3.Kumanta ka ng walang sound. Isipin mo na isang booth ka na kung saan hindi ka naririnig ng mga tao.
4.Kumatok ka sa mga kapitbahay at manghingi ng mga lumang damit. Sabihin mong kailangan mo lang para sa inyong dula-dulaan pero ang totoo ay ibenta mo na parang ukay-ukay.
5.I-video ang sarili habang ifino-folk dance ang Crazy Frog.
6.Tumawa ka ng tumawa kahit walang nakakatawa. Mabisa itong pampabaliw.
7.Papakin ang ketchup. Kung may tinapay naman ay ipalaman mo na lang ito.
8.Pagtripan ang bahay. Guluhin mo ang mga gamit at ayusin mo kapag sobrang gulo na. Tiyak, ang dami mo nang gagawin.
9.Kumuha ng water gun at magtago sa bintana. Barilin ang mga dumadaan sa tapat ninyo. Siguraduhin lang na hindi ka pahuhuli.
10.Mag-post ng kahit ano sa blog kahit sa tingin mo’y walang kuwenta. Halimbawa niyan ay ito.